Mae arweinydd grŵp Plaid Cymru ar Gyngor Castell-nedd Port Talbot, y Cynghorydd Alun Llewelyn, wedi croesawu’r ymchwiliad i recordiad honedig o sylwadau personol gan Arweinydd y Cyngor, Rob Jones, am wrthwynebwyr gwleidyddol, polisïau cau ysgolion, ac awgym o wahaniaethu posib yn erbyn Plaid Cymru a Chynghorwyr Annibynnol sydd wedi eu hethol yn ddemocrataidd i weithio dros eu hardaloedd.
"Mae angen i'r ymchwiliad fod yn deg ac yn drylwyr, ond mae'r rhain yn faterion difrifol - a dylid hefyd ymchwilio i ddiwylliant gwleidyddol y Blaid Lafur a'r ffordd maen nhw'n rhedeg cynghorau yn ne Cymru.
“Rwy’n bryderus iawn am gynnwys y tâp gan ei fod yn tanseilio hyder y cyhoedd yn nhegwch cyllideb a gwariant y cyngor mewn gwahanol rannau o’r sir, a’r ffordd y mae penderfyniadau’r cyngor yn cael eu gwneud. Mae angen i ni gael esboniadau am y datganiadau ar y tâp ac rwyf wedi gofyn i brif weithredwr a swyddog monitro'r cyngor ymchwilio i hyn ar frys."
"Rwyf hefyd wedi ysgrifennu at Gabinet a swyddogion Cyngor Castell-nedd Port Talbot yn galw am atal proses ad-drefnu ysgolion Cwm Tawe.
"Rwy'n ymwybodol bod yr adroddiad ymgynghori ar yr ad-drefnu iar fin cael ei gyhoeddi. Rwy wedi ysgrifennu i ofyn i'r broses ad-drefnu gael ei hatal am ddau reswm.
"Collwyd hyder llwyr yn y broses, a bwriadau’r awdurdod lleol, ymhlith rhieni a thrigolion yn dilyn datgelu sylwadau gan Arweinydd y Cyngor, y Cyng. Rob Jones. Mae parhau gyda'r broses dan yr amgylchiadau hyn, tra bo'r sefyllfa yn destun ymchwiliad, yn anghynaladwy.
"Yn ail, cododd nifer o rieni bryderon bod y cyfnod clo cau yn effeithio ar ymgynghori priodol. Rwy'n deall bod Llywodraeth Cymru wedi cyhoeddi canllawiau newydd sy'n caniatáu ymestyn cyfnodau ymgynghori yn sgil y pandemig ac mae Sir Gaerfyrddin er enghraifft wedi ymestyn eu cyfnod ymgynghori ar ad-drefnu eu hysgolion. "
Dangos 1 ymateb
Mewngofnodi gyda
Mewngofnodi gyda Facebook Mewngofnodi gyda Twitter